Kraftwerk: Grüß Sie Gott, Stange von Dublin, wie geht es Ihnen denn so?

Stange von Dublin: Na jo, a bissl Schädlweh hob i scho no von dem Feaschal, oba a echta Dablina kennt kann Schmerz. Sogn wia imma.

Wie ist es Ihnen in dieser Situation gelungen, so schnell zu reagieren?

Oiso, i mechat jetzt net übaheblich klingan, oba fir uns Stangen is so was unsa täglich Bissen Brot, wonn’s wissn, wos i sogn wü. Wäu ob da Ire mit da Feaschn einedraht oda aus achtzg Meta anraucht oda ob a den Boi mit da Eichel einbaun wü, des is ma relativ barre, sog i amoi. Wäu i bleib steh und hau eahm die Frucht zruck.

Wie kann man sich das vorstellen, was in diesem Moment mit Ihnen passiert? Halten Sie da die Luft an, totale Körperspannung?

Na, na, i tua jo den Boi net pudan oda wos. Außadem: Wonnst di zu sehr vokrampfst, donn kann da passian, dassd nochn owehrn von deaneran Boi oba sowas von an Eierschas ausselosst, dass im gonzn Strofraum bekkelt.

Kommen wir zu der alles entscheidenden Situation in der 38. Spielminute.

Na sicha, oiso: I siech aus die Augnwinkaln wia da Long zum Feaschln osetzt und i siech dass da Lindner Heinzi umadum wonkt wia a angstochana Giftla, oisa hob i mi aufbaut wia a Bahnschrankn und di Wuchtl ogfongan.

Helfen Sie eigentlich immer zu dem Tormann, der gerade neben Ihnen steht?

Sog ma so: I bin eigentlich normalerweis loyal. Mia Stongan hom an oiden Soga: Waunst in mein Türl stehst, daun bin i dei Türlsteha.

Aber man sieht doch immer wieder, dass der Ball von der Stange ins Tor geht?

I sog da amoi wos: Waun des passiert, konnst Gift drauf nehmen, dass des Stangl gschmiert ist. Wäu, I man, des is so a gfäuda Schmäh, wonnst mitn Innenstangl a Tirl mochst. Sei ma net harp, da hot sicha die Stongn die Hend aufghoitn.

Haben Stangen überhaupt Hände?

Glaubst mia essn mit di Fiaß?

Aber man sieht nie welche?

Die miaß ma eigsteckt lossn, sunst is Hands, du Schüttla.

Unterhalten Sie sich mit Ihren Mitspielern während des Matches über die Taktik?

Kummt drauf an. Waun si zum Beispü die Querlottn zvü hängn losst, donn gib i ihr an Stessa, dass sa si zsommreißt.

Wie heißt die Querlatte?

Sieglinde. Siggi sog ma.

Und wie ist Ihr Verhältnis?

Na, oiso, Vahäutnis homma oba echt kans, heast, i bin do vaheirat.

So wollte ich das nicht verstanden wissen.

Jo, jo, i waß scho, wos Sie manen. I sog imma: Den Gusta hoit ma si auswärts, oba gessn wird daham. Net woa? Oba red ma ibas spurtliche: Wia miassn zsomhöfn, die zwa Stongen, oisa, da Herbert und i, und die Querlattn, die Siggi, wäu wonn wos passiert ist des Tornetz ziemlich angspeist und donn zahts o ois wia, dass die hoibat anspeibst.

Wie sieht Ihre Regeneration aus?

Zerscht hob i mi no duscht mitn Schläuchl vom Platzwart und donn bin i hamgfoahn, wäu di Meinige scho mitn Papierl gwoat hot.

Was hat es denn zu essen gegeben?

Spargl, Fisoin und Lauch.

Wie heißt Ihre Frau?

Frau Stange.

Und was macht sie beruflich, wenn ich fragen darf?

Die Beste hackelt in da österreichischen Botschaft in Dablin.

In welcher Funktion?

Als Fahnenstange.